IB並非一試定生死 校內考試成績重要過公開考試？

九月剛剛開學，剛升IB嘅同學仔揀科已經塵埃落定，好多家長都以為可以放下心頭大石，勿哉勿哉！筆者要係度再三提點，第一年IBDP的學生千奇唔好掉以輕心，尤其是學校所有計分嘅校內考試。

筆者補習社經常收到嘅電話諮詢就係，「IB 校內考試同公開考試邊個緊要啲？」，「如果我個仔學校考得唔好，最後考到如42/45 以上係咪都入到名牌大學，如LSE， 港大，劍橋等等？」。如果你都有呢個疑問，證明你對IB嘅認識仲停留係以前會考高考嘅制度， 希望今期專欄幫到你。

第一，IB非常着重校內考試。每個分部考試，都會計入學生嘅IB Predicted Grade。而Predicted grade 最大嘅作用係幫你係大學攞Offer。內部試考得好嘅，分分鐘大學俾埋Unconditional Offer （無條件取錄）。

之前Hkexcel 學生就有例子係美國IVY LEAGUE名牌大學，加拿大Mcgill，University of Toronto 成功被無條件取錄。公開考試分數嘅作用反而比較被動，係當大學給了你Offer，要考取指定分數，如IB最低成績達到38分，才可入讀。

第二，學生一定要同學校老師保持友好關係 ，就算內心討厭，都唔好表現出來或胡鬧是非。筆者曾經聽過某位國際學校學生， 脾氣非常暴躁，有時覺得老師課堂沉悶或講錯野會拍抬與老師理論。但是要明白到，學校老師決定你嘅predicted grade同你考試嘅分數。

數學，科學科目還好，但如果遇上一些評分比較主觀嘅科目如英文，結果該位學生嘅每次英文功課和成績都評為十分低劣，結果校內拿了個Level 4 （最高分數為level 7），即使佢其他科目標青，但係所有名牌大學的法律系都沒有回覆。最後，這位學生雖然考到了41/45 分，都無心水大學收，選擇了Gap year 一年，等待下年大學的學位。

所以，各位家長同IB 學生，記住，校內考試係非常重要的。有關選科事宜，將會下回分解。

【其他熱話】揭開IB滿分評分準則 IB 閱卷員：思想要夠破格

【其他熱話】IB尖子談讀IB好處：IB考大學比DSE容易很多

【其他熱話】HKExcel IB狀元訪談 考IB滿分靠兩大秘訣